تعالوا لي بقى في السُلْطة يا حلوين
فين التهمة في طلب السلطة؟!!
فين العيب في الموت في سبيل طلب السلطة؟!
لما الكلاب والسفاحين يدفعوا الغالي والنفيس ويعملوا منظمات مخصوصة عشان فرض سلطتهم على العالم عشان يركعوك
تيجي إنت تعمل لي مسالم وتقول أصل أنا مسلم وزاهد في الدنيا ومش طالب سلطة حاشا لله؟!
لا لامؤاخذة ده مسموش زهد اسمه حاجات تانية عيب أقولها عشان أحاسيسك ومشاعيرك الركيكة ياعم المسلم الكيوت متتأذيش
لما تيجي تنقد طلب السلطة متبقاش سطحي وبغبغان وتردد كلام أعداءك اللي عايزين يسحقوك وإنت ساكت ولو اتكلمت يقولك شوووووفت ده ميت ع السلطة
السلطة عيب لو إنت عايزها لمجد شخصي
هتتربح من وراها
هتطغى في سبيلها وهتتطغى لما توصلها
لما يكون الغاية منها الاستقواء ع الضعفاء واستخراب البلاد واستعباد العباد
(الأمثلة كتير مش محتاجة أشرحها)
"الإخوان طلاب سلطة وهيموتوا عليها وبيموتوا عشانها"
ايوة سيادتك فين المشكلة؟!
ناس لهم هدف ولهم غاية عايزين يوصلوا لها
وغايتهم المعلنة أسمى الغايات
في سبيل الله نمضي نبتغي رفع اللواء
مشكلة حضرتك إيه؟!!
هم مش مشكلتهم إن حضرتك عبد لسايكس بيكو وإن ذهنك محدود ومليان بشوية أغاني وشعارات شوفونية مبتذلة زي مصر فوق الجميع والدين لله والوطن للجميع ومصر أولاً والكلام الخايب ده
ومع ذلك هم متعاركوش معاك على مفاهيمك الضيقة
لكن إنت يا أبو مخ منفتح اللي اتعاركت معاهم على غايتهم
هم اشتغلوا على دعوتهم في كل البلاد لنشر كلمتهم ودعوتهم
حضرتك قفلت عليك حدود التراب وقعدت تتغنى بكلام إنت مش عارف معناه وبرضه فضلت تجر شكلهم
لعبوا لعبتك بتاعت الديموقراطية والصناديق وكسبوها وكان حقهم بعيدًا عن أي غايات دينية بقى وعملاً بالمنهج العالمي بتاع الناس المتحضرة إنهم يسيطروا عشان يوروك إن منهجهم ناجح وطريقهم هو ده اللي المفروض الناس تمشي عليه
وكان لازم ياخدوا فرصتهم كاملة
لكن جيت إنت مع كل تغيير:
إلحق أخونواااااااا
بتوع الكراسي
إقصااااااااااء
تعاااااايش
مهلبيااااااااا
ملوخياااااااا
وأي خرط في أي حاجة
يعني بمهلبية مخك دي ناس عندها برنامج هتنفذه هتستورد ناس تنفذه ولا لازم يكون حد مؤمن بيه تماماً؟!
ناس عندها غاية كبرى هتنفذها وهي في المعتقلات والسجون والمقابر ولا لازم تطلب سلطة عشان توصل للغاية دي؟!!
عرفتوا بقى إن إنتم أي حد يتف في بقكم تفة تفضلوا تجتروا فيها لغاية ما التفة تزهق منكم أصلاً؟!!
طبعاً الكلام ده للناس أصحاب العقيدة وأصحاب الهدف الأسمى والحكم بما أنزل الله
نتفق الأول ع الكلام ده وبعدين نختلف في هم غلطوا في إيه عشان يوصلوا للسلطة (مخالف لشرع الله مش مخالف لمزاج حضرتك) أو غلطوا فيه إيه لما وصلوا (برضه شرعاً)
المرجفين المدنيين العلمانيين الكارهين المغيبيين والبغبغانيين أصحاب التعليقات المعلبة من فضلكم يمتنعون
وشكراً
