قومي يا بنتي استهدي بالله واقلعي كدة!!!

يا أختي يا حبيبتي إنتي لما بتعملي لواحدة صحبتك لايك على صورتها بعد ما قلعت الحجاب ولا تدخلي تزيطي في الزيطة على جمالها وحلاوتها ده مسموش جبر خواطر ولا إدخال السرور على قلب مسلم

إنتي للأسف بتقريها على معصيتها وبتفتنيها أكتر عن ماهي مفتونة

لو صحبتك وبتحبيها في الموقف ده مالهاش إلا حل واحد بس النصيحة (مش لازم ع الملأ)
أو.. اسكتي.. 
مش هتقدري تنصحي؟ اسكتي
والله ما هتخسي حاجة لو ما أدلتيش بجردلك في الموضوع

وهي مش هتزعل منك على فكرة لأن هي عارفة إنها عملت حاجة غلط ومش مفروض الناس تدخل تصقف لها عليها

اللي بيحصل إنك وغيرك بتدخلوا تهللوا تقوموا تزينوا المعصية في عينيها وتخلوها على قلبها زي العسل تقوم تفكر مليون مرة قبل ما ترجع وتفقد هذا الزخم الجماهيري الغثائي

أعوذ بالله من الشيطان وأعوانه

الواحد يلاقيها منين ولا منين
هتجننوني وأنا مجنونة خلقة
حسبي الله ونعم الوكيل
وإنا لله وإنا إليه راجعون