مرارة الفقد

وبعد فترة من الحزن لخبر الفقد
الواحد يقعد يتأمل كدة... هو أنا يعني هخلد وهو يا عيني اتخطف ومش راجع... أو اتاخد غدر ومش راجع برضه؟!!
طب ما كلنا هنموت... إحنا رايحين فين يعني؟!
طب ما هو ممكن يكون حاله دلوقت في أسعد ما يكون بعد رحمة وفضل من الله... مش أحسن مني اللي مش عارفة همسي على ايه ولا أصبح على إيه؟!..
الله... طب ليه الحزن الرهييييب ده.. وليه المرارة دي؟!!
طب أنا حزينة عليه ولا عليا؟!!

المهم بعد كل الأسئلة والأجوبة المنطقية دي
والواحد يسأل الثبات من رب العالمين..
برضه مش قادر يمنع عن نفسه الحزن...